8. Stiklað á akkerum
Slappaðu nú af... þessi lexía er fljót og auðveld! Þetta eru bara smá upplýsingar sem þú átt að lesa...
Hvað er URL?
Afl vefsins felst einna helst í því að hægt er að setja upp svokallaða stikluleggi (e. hypertext
link) í skyldar upplýsingar. Þessar upplýsingar geta verið aðrar vefsíður, myndir, hljóð, stafrænar kvikmyndir, hreyfimyndir, hugbúnaður, innihaldið í Gopher þjóni, tenging við fjarlæga tölvu eða hugbúnaðarsafn, eða „ftp“ þjón.
Veraldarvefurinn (e. World Wide Web) notar tilvísanakerfi sem kallast URL, eða Uniform Resource Locator (stundum líka kallað „Universal Resource Locators“), til að sýna hvar upplýsingarnar er að finna. Þessir stikluleggir, sem venjulega eru bláir og undirstrikaðir, kallast akkeri (þetta ætti ekki að koma þér á óvart, þar sem þú ert búinn að nota nokkur til að komast alla þessa leið).
Í næstu lexíum ætlum við að:
- Skoða hvað URL eru.
- Finna og afrita URL af vefskoðara inn í HTML textaskjalið þitt.
- Rita HTML akkeri sem stiklu inn í annað skjal í sömu undirskrá og það fyrra.
- Rita HTML akkeri sem stiklu í annað skjal í annarri undirskrá en það fyrsta
- Rita HTML akkeri sem stiklu í annað vefskjal á Internetinu.
- Rita HTML akkeri sem stiklu í Gopherþjón.
- Rita HTML akkeri sem stiklu í annan hluta sama skjals.
- Setja inn mynd sem virkar sem stikluleggur í annað skjal.
Vá! Þetta virðist vera heill hellingur! En hafðu ekki áhyggjur -- þetta er alls ekki flóknara en það sem þú hefur gert hingað til.
Og án þessara stikluleggja (e. hyperlink) héti þetta námskeið „Námsefnisgerð í TML“ en ekki Námsefnisgerð í HTML
Næst á dagskrá....
URL notuð til að tengja skjöl saman með stikluleggjum.
Námsefnisgerð í HTML:
Lexía 8: Tenging með akkerum
©1994 - 2000
Maricopa Center for Learning and Instruction (MCLI)
Maricopa Community Colleges
Tengiliður MCLI er
Alan Levine
Sendu athugasemdir til alan.levine@domail.maricopa.edu
eða gaui@mmedia.is
URL: http://www.vma.is/tut/tut8.html
Þýtt með leyfi höfundar