29e. Smá bolli af Java

Þegar Sun Microsystems kynntu Java snemma á tíunda áratugnum, þá var mikið sagt um möguleika þess, of mikið eftir því sem sumir sögðu. Eins stuttlega og hægt er að orða það, þá er Java nýtt forritunarmál sem gerir manni kleyft að búa til forrit, eða „stef“ sem hægt er að nota á hvaða kerfi sem er, hvar sem er, ef það styður „Java verkvanginn“:

Þannig að Java stef þarf ekki neinn auka hugbúnað til að virka. Þegar farið er fram á Java, þá eru allar starfseiningar þess sendar yfir netið til þess eða þangað sem beðið er um það og þá getur Java tæknihlutarnir sem taka við látið það virka.

atriði sem þarf að skoða	einkunn	umsögn
gerð margmiðlunar:	java
hvað hún gerir vel:	tól, gagnavinnsla, línurit og gröf, gagnvirk stýritæki, kviklegur texti, myndabreytingar.
„þröskuldur“ eða erfiðleikar við að búa til þessa margmiðlun	lágur hár	Til að búa til þín eigin Java stef verður þú að hafa skilning á forritunarmálinu eða hafa aðgang að grafískum forritasmíðjum. Það eru hins vegar mörg söfn Java stefja þar sem hægt er að sækja þau og nota.
fjöldi notenda sem geta séð þessa margmiðlun	fáir margir	Flestir vefskoðaðar með útgáfunúmer 3.x eða nýrra geta notað Java, þó það virðist virka hægar og betur á Macintosh tölvum. Það getur verið löng bið og tómur hvítur ferningur á meðan veskoðarinn „sækir Java“.
bandvíddarnotkun	lág há	Mjög mismunandi og fer eftir hvers konar gagnvirkni á að fara fram og hversu flókið ferli er verið að setja upp. Þegar Java stef er á síðu, þá þarf hún að sækja allt frá nokkrum til um 30 litlar skrár sem þurfa allar að komast á leiðarenda áður en síðan virkar.

Eins og nefnt var í lexíu 27, þrátt fyrir það hve nöfnin eru lík, þá er Javascript-- skriftunarmál fyrir vefskoðara algerlega frábrugði Java, sem er forritunarmál fyrir tölvur. JavaScript er í raun þýtt línu fyrir línu þegar vefskoðarinn les síðuna. Java stef eru skrifuð sem tölvukóði og síðan vistþýdd (e. compiled) og þannig breytt í keyrsluhæft forrit. Vistþýtt forrit getur verið öflugra, öruggara og hraðvirkara en skrift, en á móti er erfiðara að búa það til.

Því miður, fyrir utan nokkur vel þekkt not fyrir Java, þá er algengast að þú finnir að á vefnum séu Java stef notuð til að sýna rennitexta á borða, sem annað hvort rennur lóðrétt eða lárétt (sjá hugmyndir okkar um slíkt í lexíu 17 !), eða mjög algeng not við að láta mynd líta út eins og hún speglist í vatni.

Eins og við sáum í síðustu lexíu um Shockwave, þá eru Java skrár venjulega lokaðir svartir kassar sem við veltum ekki einu sinni fyrir okkur hvernig virka. Í sumum stefjum getum við breytt eða stjórnað virkni þeirra með upplýsingum sem við sendum stefjunum með HTML kóða.

Í þessari lexíu verður ekki talað um hvernig Java forrit eru búin til, heldur ætlum við að sýna þér hvernig þú getur notað stef sem til eru á síðunni þinni.

þar sem hver stiki hefur nafn sem stefið leitar að og eitthvert gildi sem getur verið textastrengur eða tala:

Að lokum getur þu sett in texta sem sést bara ef vefskoðarinn getur ekki notað Java (mundu að vefskoðarinn hunsar allt innan oddklofa sem hann ekki skilur), svipað og að setja ALT kost með <img ...> skipunum (lexía 7a) eða <NOFRAMES> skipun á rammasíðu (lexía 26).

Þannig sést að allur texti á milli <APPLET>...</APPLET> skipananna er hunsaður af vefskoðurum sem geta ekki spilað Java (þar sem þetta er hvorki stef skipun eða stikaskipun) og er það eina sem sést ef vefskoðarinn kann ekki á Java.

Java sett inn

Athugaðu: Ef þú ert ekki með skjölin úr síðustu lexíu, þá getur þú sótt þau núna.

Í þessari lexíu ætlum við að nota Java stef sem gerir okkur kleyft að senda því myndarskrá og á vefsíðunni okkar gerir notandanum fært að stækka og minnka myndina. Myndirnar sem við ætlum að nota eru af bergi úr eldfjöllum mynduðu með sérstakri smásjá sem sýnir okkur steindir og og uppbyggingu bergsins. Síðan getum við notað Java stefið á vefsíðunni eins og nokkurs konar smásjá.

Java stefið sem við notum hér er kallað „ImageZoom“ og þú getur fundið frekari upplýsingar um það á http://www.vivaorange.com/ImageZoom/. Þetta stef er ókeypis fyrir þá sem ekki taka peninga af síðunum sínum (við fundum það við að nota eina heimildina fyrir neðan).

Stefsráin sjálf , ImageZoom.class er bara 5k að stærð og myndin sem það notar er lesið inn sem stiki ásamt hinum kostunum sem listaðir eru hér fyrir ofan. Athugaðu vefsíðu stefsins til að fá frekari upplýsingr um það.

Við erum nú búin að sjá hvernig hægt er að sækja ImageZoom stefið með sérstakri mynd og síðan stækka hana og hreyfa til eins og maður væri að nota smásjá (í raun væri myndin mun skýrari við mikla stækkun í raunverulegri smásjá; á tölvuskjánum erum við bara að stækka hana upp og förum að sjá pixelin , ferköntuðu myndpunktana sem myndin er gerð úr).

En við getum gert þetta sveigjanlegra með því að nota smá JavaScript til að búa til HTML kóða fyrir stefið og þannig gera okkur kleift að velja úr röð mynda sem stefið getur sótt. Til að fræðast meira um slíka notkun á JavaScript, skaltu skoða aftur lexíu 27b. Til að gera þetta ætlum við að búa til rammasíðu (sjá lexíu 26) sem kemur til með að líta nokkurn vegin svona út:

Þegar Java síðan er farin að virka, þá þurfum við að setja upp stiklu sem opnar hana í sér glugga, eins og við gerðum í fyrri margmiðlunarlexíum.

Gættu að hvað þú gerir

Berðu þínar vefsíður saman við þetta dæmi um hvernig þær ættu að líta út. Ef þínar síður eru ekki eins og dæmið, eða stiklurnar virka ekki rétt, skoðaðu textann sem þú ritaðir í textaritlinum. Berðu þína vinnu við HTML kóðann saman við dæmin (leitaðu að orðinu Source í View valmynd vefskoðarans).

Upprifjun

Æfingar

Prófaðu ImageZoom stef með þínum eigin myndum. Skoðaðu hvernig það breytist ef þú breytir sumum stikunum.

Frekari upplýsingar

Þó Java sé hástigs forritunarmál, þá eru til fjöldi setra þar sem hægt er að fá ókeypis stef sem maður getur notað á sínar eigin síður.

Næst á dagskrá....

HTML hefur breyst mikið síðan við skrifuðum þetta námsefni árið 1994! Við ætluðum að setja nýjar lexíur um Dynamic HTML, Cascading Style Sheets, og hugsanlega jafnvel XML vorið 2000. En, þar sem þetta eru miklu yfirgripsmeiri viðföng en HTML (og myndu stækka mjög þennan pakka), þá höfum við nú ákveðið að búa til sér námsefni í þessu.

Þar sem það mun líkast til ekki sjá dagins ljós fyrr en vorið 2001, þá höfum við valið önnur áreiðanleg námskeið sem þú getur skoðað á tilvísanasíðum okkar.

Þangað til, haltu áfram að skrifa frábærar HTML síður.

Námsefnisgerð í HTML | Um | SOS | Nemendur | Hól | Tilvísanir | Skipanir | Lexíur | fyrri |