Námsefnisgerð í HTML | Um | SOS | Nemendur | Hól | Tilvísanir | Skipanir | Lexíur | fyrri | næsta |

2. HTML skjali breytt

Þú er þegar búinn að læra að búa til þitt fyrsta HTML skjal og lærir nú hvernig þú getur á fljólegan hátt gert breytingar á því og skoða þær breytingar í vefskoðaranum.

Markmið

Eftir þessa lexíu átt þú að kunna að:

Opna aftur vinnusvæðið fyrir vefsíðuna þína.
Breyta HTML skjalinu þínu með textaritli.
Hlaða skjalinu þínu aftur inn í vefskoðara og séð breytingarnar.

Lexía

Vinnusvæðið opnað aftur

Athugaðu: Ef þú hefur ekki skjalið úr síðustu lexíu þá geturðu sótt eintak af því.

Til að ljúka þessari lexíu verður þú að opna annan glugga og setja textaritilinn sem þú notaðir í fyrstu lexíu aftur af stað. Svona opnarðu aftur vinnusvæðið:

Ef hann er ekki opinn búðu þá til nýjan glugga með því að velja New Window af File valmyndinni.
Notaðu Open File... skipunina á File valmyndinni til að finna og opna HTML skjalið sem þú bjóst til í síðustu lexíu.
Opnaðu aftur textaritilinn.
Opnaðu skjalið („Eldfjall.html“) sem þú bjóst til í textaritlinum í síðustu lexíu.

ATHUGAÐU: Ef þú notar tölvu með Windows 3.1, þá heitir skjalið að öllum líkindum „ELDFJALL.HTM“.
Héðan í frá gerum við ráð fyrir að þú getir auðveldlega opnað vinnusvæðið aftur.

HTML skjalinu breytt

Farðu yfir í textaritilinn.

Farðu niður aftast í textann sem þú ritaðir í 1. lexíu, ýttu nokkrum sinnum á RETURN og ritaðu inn eftirfarandi texta:


          Eldfjall er staður þar sem hraunkvika,
          eða heitur, bráðinn steinn innan úr jörðinni,
          kemur upp á yfirborðið.  Þetta getur gerst með miklum látum,
          í einni kraftmikilli sprengingu, eða
          rólega, sem seigfljótandi hraunstraumur.

Athugaðu að þessi texti á að koma á undan </body> og </html> skipununum neðst í HTML skjalinu.

Veldu Save af File valmyndinni til að vista þessar breytingar á HTML skjalinu.

Síðan uppfærð í vefskoðaranum

Farðu aftur yfir í vinnugluggann á vefskoðaranum þar sem síðasta útgáfa af síðunni þinni var. Athugaðu að textinn sem þú ritaðir í skjalið rétt áðan sést að öllum líkindum ekki enn. Til að sjá breytingarnar verður þú að ýta á Refresh hnappinn eða valmyndarlínu á vefskoðaranum. Þetta segir vefskoðaranum að lesa aftur sama skjal og sýna það með þeim breytingum sem orðið hafa á því. Þú ættir nú að sjá nýja textann sem þú ritaðir.

Taktu eftir því að vefskoðarinn skiptir sér ekki af auðu línunum sem þú settir í skjalið. Hann skiptir sér heldur ekki af bilum (nem þeim sem eru á milli orða). Þegar maður skrifar HTML, þá er gott mál að aðskilja aðalatriðin með auðum línum ... þegar þú opnar skjalið aftur og breytir einhverju, þá er auðveldara að finna það sem þarf að breyta.

Auðvitað kemur einhvern tíman að því að þú vilt hafa auðar línur í vefskjalinu á milli atriða (t.d. á milli efnisgreina). Þú varst einmitt að lesa framhjá slíkum skilum í þessu skjali. Við lærum í Lexíu 4 að gera slík greinaskil.

Haldið og sleppt!

Það gæti verið auðveldari leið til að sækja og skoða HTML skjölin þín. Þú verður að raða á skjáinn á tölvunni þinni þannig að þú sjáir táknmyndir fyrir HTML skjölin við hliðina á vefskoðaragluggnum. Síðan getur þú einfaldlega smellt á viðkomandi táknmynd fyrir „Eldfjall.html“ eða „Eldfjall.htm“ og dregið hana inn á vefskoðarann. Voilà! síðan þín opnast ef tölvan þín leyfir draga og sleppa (við vitum að þetta virkar í Macintosh System 7.5 og Windows 95 eða nýrri.)

Gættu að hvað þú gerir

Berðu þína vinnu saman við þetta sýnishorn af hvernig þetta skjal ætti að líta út. Ef síðan þín lítur ekki svona út þá skaltu skoða textann sem þú slóst inn í textaritilinn. Athugaðu að hann sé eins og textinn í leiðbeiningunum í þeim hluta þessarar lexíu sem kallast HTML skjalinu breytt.

Upprifjun

Rifjaðu upp efni þessarar lexíu:

Hvernig opnaðir þú aftur vinnusvæði þitt?
Hvernig stóðst þú að því að breyta HTML skjalinu þínu?
Hvernig skoðaðir þú þessar breytingar í vefskoðara?

Æfing

Breytu þínu eigin HTML skjali sem þú byrjaðir á í síðustu lexíu, eins og þú gerðir í þessari lexíu. Bættu nokkrum setningum við og athugaðu hvort þú getur ekki auðveldlega opnað það aftur í vefskoðaranum.

Næst á dagskrá....

Þar sem þú kannt núna að breyta skjali þá ætlum við að bæta stórum og fallegum fyrirsögnum í það.

FARA Á.... | Efnisyfirlit | síðasta: „Fyrsta HTML skjalið búið til“ | næsta: „Fyrirsagnir: sex stærðir “ |

Námsefnisgerð í HTML: Lexía 2: HTML skjali breytt
©1994 - 2000 Maricopa Center for Learning and Instruction (MCLI)
Maricopa Community Colleges

Tengiliður MCLI er Alan Levine
Sendu athugasemdir til alan.levine@domail.maricopa.edu
eða gaui@mmedia.is

URL: http://www.vma.is/tut/tut2.html
Þýtt með leyfi höfundar