SÁL403

Forsíða

Kynning á áfanga og vinnubrögðum

Kennsluáætlun

Kennslubréf

Kaflaspurningar námsatriðalisti

Sýnipróf

Áhugavert efni á öðrum vefsíðum

Fjarkennsla
SÁL403

Kynning á viðfangsefni og vinnubrögðum

Áfanginn SÁL403 er einn af fjórum sálfræðiáföngum sem boðið er upp á í fjarkennslu Verkmenntaskólans á Akureyri. Viðfangsefnið er; sálfræðileg próf, persónuleika- og félagssálfræði, þrjú stór og spennandi svið sálfræðinnar sem ekki hafa fengið sérstaka umfjöllun í öðrum áföngum. Þeir nemendur sem tekið hafa áfangann SÁL203 hafa þó að öllum líkindum fengið einhverja umfjöllun um greinarpróf en sú skörun sem er hvað varðar umfjöllun um þetta efni er saklaus að mati undirritaðs.

Námsefninu er skipt í 12 hluta og er ætlast til þess að nemendur taki námsefnishlutana fyrir einn af öðrum næstu 12 vikurnar. Nemendur lesa þann hluta námsefnisins sem til umfjöllunar er á hverjum tíma (sjá kennsluáætlun) og taka mið af þeim áherslum sem er að finna í viðeigandi kennslubréfi. Flestum kennslubréfum fylgja verkefni sem nemendur eiga vinna og senda til kennara um leið og efnið er tekið fyrir. Kennari mun senda stutta umsögn um verkefnið fljótlega eftir að það berst til hans og ábendingar varðandi lausn verkefnisins munu í sumum tilvikum einnig birtast á fjarkennsluvefnum.

Verkefni ber að skila í síðasta lagi 14 dögum eftir að lesefnið sem það tengist er tekið á dagskrá. Verkefni sem skilað er eftir að skilafrestur er liðinn er ekki reiknað inn í vetrareinkunn en nemendur þurfa einungis að skila 10 verkefnum (af 12). Skili nemendur fleiri verkefnum en 10 þá er vetrareinkunn byggð á þeim 10 sem best eru.

Samskipti nemenda og kennara eru þannig með nokkuð öðrum hætti í þessum áfanga en algengast er í fjarkennslu Verkmenntaskólans. Þið fáið ekki vikulegar sendingar með leiðbeiningum og verkefnum. Þess í stað eigið þið að fara inn á fjarkennslusíðu áfangans í hverri viku (bréfin verða til í endanlegri útgáfu á hverjum mánudegi) og lesa þar yfir kennslubréf og verkefni vikunnar. Auðvitað getið þið tekið afrit af bæði kennslubréfi og verkefni ef ykkur sýnist svo og eins er hægt að prenta hvert bréfin út.

Allt efni áfangans er nú fyrirliggjandi á vefsíðum þeim sem honum eru helgaðar. Þetta er efnið eins og það var notað síðast. Ykkur er heimilt að skoða allt efnið en ég geri hugsanlega breytingar á því þannig að hvert kennslubréf og verkefni sem tengist því er ekki komið í endanlega mynd fyrr en það er á dagskrá (þannig er 5. kennslubréf t.d. ekki í endanlegri útgáfu fyrr en í 5. kennsluviku þegar það er á dagskrá)

Auk leiðbeiningabréfa, verkefna og verkefnalausna finnið þið kennsluáætlun annarinnar, kaflaspurningar, slóðir og prófsýnishorn á fjarkennsluvef áfangans.

Allt eru þetta síður með stuðningsefni sem eiga að að geta hjálpað ykkur við námið.

Kennsluáætlun skoðið þið til þess að átta ykkur á meginatriðum varðandi námsframvindu eða námsmat.

Vefslóðirnar (áhugavert efni...) liggja inn á síður úti í hinum stóra heimi þar sem fjallað er með einhverjum hætti um viðfangsefni áfangans. Að minnsta kosti eitt af verkefnum annarinnar verður ekki leyst öðru vísi en að nýta sér þessa síðu.

Á síðunni prófsýnishorn er svo að finna dæmi um lokapróf.

Hvernig á nemandi í áfanganum að vinna?

	Hann skoðar kennsluáætlun í upphafi og lítur síðan á hana ef hann er að velta fyrir sér námsmati, lesefni eða hvað sé framundan í námsefninu.
	Hann fer inn á síðuna kennslubréf og verkefni í hverri viku, les leiðbeiningabréfin með námsefninu og vinnur verkefnin.
	Hann lítur yfir spurningar hvers kafla að loknum lestri hans og athugar hvort hann ráði ekki örugglega þær.

	Hann kíkir út í heim á síður þar sem sambærilegt efni er til umfjöllunar.
	Hann skoðar sýniprófið undir lok annarinnar og þegar hann vill átta sig á uppbyggingu eldri prófa.