|
Heim |
Veldu efni til að skrifa um
Efnið er skipað af kennaraÞað er ekki víst að þú hafir um neitt að velja þegar kemur að efninu. Þó að svo sé, þá ertu ef til vill samt ekki tilbúin(n) að stökkva í næsta þrep. Hugsaðu vel hvers konar ritgerð það er sem þú átt að skrifa. Á þetta að vera almennt yfirlit yfir eitthvað, eða sértæk og ítarleg greining á efninu? Ef ritgerðin á að fjalla almennt um efnið, þá ertu líklega tilbúin(n) fyrir næsta þrep. Ef um er að ræða ítarlega greiningu, þá skaltu athuga að efnið sé mjög afmarkað. Ef það er of vítt eða altækt, þá verður þú að reyna að þrengja efnistökin. Til dæmis, er efnið „FÆREYJAR“ mjög vítt og almennt. Ef þú átt að skrifa almennt um efnið, þá er þetta næg greining á því. Ef þú átt að skrifa sértæka greiningu, þá er þetta efni of víðtækt. Þú verður að þrengja það í undirefni eins og „Stjórnmál í Færeyjum“ eða „Færeysk menning“. Þegar þú hefur fundið að efnið er rétt og hæfilegt, þá getur þú farið á næsta þrep.
|
||||
Efnið er valfrjálstEf kennarinn hefur gefið þér frjálsar hendur með umræðuefni, þá eru möguleikarnir endalausir. Stundum gerir það verkefnið helmingi erfiðara. En þetta þýðir í raun að þú getur valið það efni sem þú hefur áhuga á og það gerir ritgerðina betri og sterkari. Skilgreindu tilganginnÞað fyrsta sem þú þarft að athuga er tilgangurinn með ritgerðinni sem þú átt að skrifa. Er tilgangurinn sá að fá fólk til að trúa því sama og þú, að útskýra fyrir fólki hvernig á að framkvæma eitthvert verk, að fræða fólk um eihverjar persónur, staði, hluti eða hugmyndir, eða er tilgangurinn einhver allt annar? Efnið sem þú velur verður að henta þessum tilgangi. Notaðu hugarflæði til að finna áhugaverð efniÞegar þú ert búin(n) að skilgreina tilgang ritgerðarinnar, þá skaltu skrifa niður nokkur efni sem þú hefur áhuga á. Sama hver tilgangurinn er, þá ættir þú að geta fundið fjöldan allan af umræðuefnum. Ef þú ert í vandræðum með að finna efni skaltu horfa í kringum þig. Er eitthvað í umhverfi þínu sem vekur áhuga þinn? Hugsaðu um líf þitt. Hvað tekur mestan tíma þinn? Það gæti verið gott efni. Ekki leggja mat á efnin strax; skrrifaðu bara niður allt sem þér dettur í hug. Leggðu mat á hvern möguleikaEf þú getur hugsað upp nokkur efni sem gætu gengið, þá liggur næst fyrir að skoða hvert og eitt fyrir sig. Veltu fyrir þér hvað þér finnst um efnið. Ef þú átt að fræða, vertu þá viss um að þú vitir þó nokkuð um efnið. Ef þú átt að sannfæra, þá skaltu athuga að þú sért meira en lítið áhugasamur/söm um efnið. En mikilvægasti þátturinn í að velja efni er fjöldi hugmynda sem þú hefur um það. Þó ekkert efnanna sem þú skrifaðir niður virðist vera sérlega skemmtilegt, þá skaltu samt velja eitt þeirra og byrja að vinna með það. Það gæti reynst betra en þú hugðir í fyrstu. Áður en þú ferð að skrifa skaltu athuga efnið sem þú valdir einu sinni enn. Veltu fyrir þér hvers konar ritgerð þú átt að skrifa. Á þetta að vera almennt yfirlit eða sértæk greining efnisins? Ef ritgerðin á að fjalla almennt um efnið, þá ertu líklega tilbúin(n) fyrir næsta þrep. Ef um er að ræða ítarlega greiningu, þá skaltu athuga að efnið sé mjög afmarkað. Ef það er of vítt eða altækt, þá verður þú að reyna að þrengja efnistökin. Til dæmis, er efnið „FÆREYJAR“ mjög vítt og almennt. Ef þú átt að skrifa almennt um efnið, þá er þetta næg greining á því. Ef þú átt að skrifa sértæka greiningu, þá er þetta efni of víðtækt. Þú verður að þrengja það í undirefni eins og „Stjórnmál í Færeyjum“ eða „Færeysk menning“. Þegar þú hefur fundið að efnið er rétt og hæfilegt, þá getur þú farið á næsta þrep. |
 |
Fara á næstu síðu. |  |
Fara á heimasíðu vefsins. |