Komdu skipulagi á hugmyndir þínar

Tilgangurinn með útlínu eða skissu er að setja hugmyndir þínar um efnið niður á blað í einhvers konar skipulag. Það skipulag sem þú býrð til nú breytist líkast til áður en ritgerðinni er lokið, svo þú skalt ekki hafa miklar áhyggjur af þessu.

Veltu fyrir þér hvort þú vilt frekar stíft form útlínunnar eða hvort þú vilt nota sveigjanlegra form. Ef þú byrjar á öðru en uppgötvar að það hentar þér ekki, þá getur þú alltaf skipt yfir í hitt.

1. Byrjaðu skissuna (oft kallað „heilakort“) með því að draga hring eða beint strik, eða eitthvert annað form á miðja blaðsíðuna.
2. Skrifaðu efnið þitt í hringinn eða á línuna.
3. Frá miðjuhringnum eða línunni dregur þú þrjú eða fjögur strik út á síðuna. Athugaðu að hafa gott bil á milli þeirra.
4. Við endann á hverri línu teiknar þú nýjan hring eða dregur nýja línu, eins og þú gerðir í miðjunni.
5. Í hvern hring eða á hverja línu skrifar þú meginhugmyndirnar sem þú hefur um efnið, eða aðalatriðin sem þú vilt setja fram.
   • Ef þú ert að reyna að sannfæra, þá viltu skrifa hér sterkustu rökin þín.
   • Ef þú ert að reyna að útskýra ferli, þá setur þú hér fyrstu skrefin sem þarf að taka. Þú þarft hugsanlega að setja þau í flokka. Ef þú getur ekki hugsað upp flokka, þá getur þú byrjað með „Upphaf“, „Miðju“ og „Endi“.
   • Ef þú ert að reyna að fræða, þá skrifar þú helstu flokka sem hægt er að skipta upplýsingunum í.
6. Frá hverri meginhugmynd dregur þú þrjár eða fjórar línur út á síðuna.
7. Við enda hverrar línu teiknar þú annan hring eða lárétt strik, eða hvað sem þú teiknaðir í miðjuna.
8. Í hvern hring eða á hverja línu skrifar þú staðreyndir eða upplýsingar sem styðja meginhugmyndirnar.

Þegar þú ert búin(n), þá ertu með fyrir framan þig grunn uppbyggingu ritgerðarinnar og ert tilbúin(n) að halda áfram.

1. Byrjaðu útlínuna með því að rita efnið efst á blaðið.
2. Næst skrifar þú rómversku tölurnar I, II, og III, með góðu bili á milli niður eftir vinstri spássíu blaðsins.
3. Við hliðina á hverri rómverskri tölu skrifar þú meginhugmyndinar sem þú hefur um efnið eða aðalatriðin sem þú vilt að komi fram.
   • Ef þú ert að reyna að sannfæra, þá viltu skrifa hér sterkustu rökin þín.
   • Ef þú ert að reyna að útskýra ferli, þá setur þú hér fyrstu skrefin sem þarf að taka. Þú þarft hugsanlega að setja þau í flokka. Ef þú getur ekki hugsað upp flokka, þá getur þú byrjað með „Upphaf“, „Miðju“ og „Endi“.
   • Ef þú ert að reyna að fræða, þá skrifar þú helstu flokka sem hægt er að skipta upplýsingunum í.
4. Undir hverjn rómverskan tölustaf ritar þú A, B, og C niður vinstri spássíuna.
5. Hjá hverjum staf ritar þú staðreyndir eða upplýsingar sem styðja meginhugmyndirnar.