Skrifaðu Inngang og Lokaorð

Nú vantar bara tvær efnisgreinar í ritgerðina þína: innganginn og lokaorðin. Þessar efnisgreinar gefa lesandanum stað til að komast inn í ritgerðina og annan til að komast út úr henni aftur.

Inngangurinn ætti að vera skrifaður þannig að hann dragi athygli lesandans að ritgerðinni og gefi honum hugmynd um, um hvað hún er.

1. Byrjaðu á því að grípa athyglina.

   Það er undir þér komið að velja hvernig þú grípur athygli lesandans, en hér eru nokkrar hugmyndir:

   • Uppsláttur
     Upplýsingar af þessu tagi verða að vera réttar og sannreynanlegar, en þær þurfa samt ekkert endilega að vera algerlega nýjar fyrir lesandann. Þetta gæti einfaldlega verið staðreynd sem á við efnið sem þú vilt fjalla um.
     Ef þú notar uppslátt, þá skaltu útfæra hann með einni eða tveim málsgreinum.
   • Atvikssaga
     Atvikssaga er sönn saga sem útskýrir efnistökin.
     Athugaðu að hafa atvikssöguna stutta og hnitmiðaða og að hún sé málefnaleg. Svona byrjun á ritgerð getur verið mjög áhrifarík, en farðu samt varlega í notkun hennar.
   • Samtal
     Viðeigandi samtal þarf ekki endilega að gefa upp hverjir eru að tala, en lesandinn verður að geta skilið hvað þú ert að fara með notkun þess. Notaðu bara tvær til þrjár setnigar frá hverjum viðmælanda til að koma merkingunni á framfæri.
     Notaðu útfærslu á eftir samtali til utskýringa.
   • Útdráttur
     Nokkrar málsgreinar sem útskýra efnistökin á almennan hátt laða lesandann mjúklega inn í ritgerðina. Hver málsgrein ætti að verða sértækari en sú fyrri, þar til þú kemur að yrðingunni.
2. Ef það sem átti að fanga athyglina er stutt, bættu við einni eða tveim málsgreinum í viðbót sem leiða lesandann frá byrjuninni að yrðingunni.
3. Endaðu efnisgreinina með því að setja fram yrðinguna þína.

Lokaorðin binda endahnút á ritgerðina fyrir lesandann, draga saman niðurstöður úr henni og gefa lokasýn á efnið.

Það eina sem þarf í góð lokaorð eru þrjár til fjórar málsgreinar sem þurf ekki endilega að fylgja einhverri fyrirfram ákveðinni formúlu. Farðu bara yfir aðalatriðin (en passaðu þig á að orða þau ekki alveg nákvæmlega á sama hátt aftur) eða lýstu tilfinningum þínum til efnisins í stuttu máli. Atvikssaga getur jafnvel endað ritgerðina á áhrifaríkan hátt.